တမူထူးခြားတဲ့ ဖောင်တော်ဦး ဘုရားပွဲတော်ကို ဆင်နွှဲရအောင်

By  |  0 Comments

စက်တင်ဘာလရောက်လာတာနဲ့တစ်ပြိုင်နက်  မြန်မာနိုင်ငံရဲ့  ပွဲတော်ရာသီဟာစတင်လာပြီဖြစ်ပါတယ်။ဒီအချိန်မှစပြီး မြန်မာနိုင်ငံမှာ ပျော်ပွဲရွှင်ပွဲတွေနဲ့ ပြည့်နှက်နေတော့မှာပဲ ဖြစ်ပါတယ်။ အဲဒီပျော်ပွဲရွင်ပွဲတွေထဲမှ အထူးခြားဆုံးတစ်ခုကတော့ ဖောင်တော်ဦးဘုရားပွဲပဲ ဖြစ်ပါတယ်။

 

 

ဖောင်တော်ဦးဘုရားပွဲကို စက်တင်ဘာလနှင့် အောက်တိုဘာလကြားတွင်ကျရောက်သည့် သတင်းကျွတ်လတွင် ၁၈ရက်ကြာ နှစ်စဉ်ကျင်းပလေ့ရှိပါတယ်။ဒီဘုရားပွဲကတော့အခြားရိုးရာပွဲတွေလိုပဲ မြန်မာ ပြက္ခဒိန်မှရက်များနှင့်အညီကျင်းပတာပဲဖြစ်ပါတယ်။သတင်းကျွတ်လဆန်းတစ်ရက်နေ့တွင်စတင်ပြီး လပြည့်ကျော်တစ်ရက်နှစ်ရက်တွင် ပြီးဆုံးလေ့ရှိပါသည်။ ၂၀၁၇နှစ်အတွက်ကတော့ စက်တင်ဘာ ၂၁

ရက်နေ့မှ အောက်တိုဘာ ၈ ရက်နေ့အထိ ကျင်းပမှာ ဖြစ်ပါတယ်။

 

 

 

ဒီပွဲတော်မှာဆိုရင် လူအယောက် ၅၀-၆၀ လောက်က ခြေဖြင့်လှေလှော်ကာ ထိပ်ဦးပိုင်းတွင် ဟင်္သာပုံပါသော လှေဖြင့် ဖောင်တော်ဦးစေတီများကို တစ်ရွာဝင်တစ်ရွာထွက်လှည့်လည်ကာကျင်းပပါတယ်။ အဲလို လှည့်လည်ကျင်းပတဲ့အခါမှာ ဖောင်တော်ဦးဘုရားငါးဆူအနက်မှလေးဆူကိုသာ ပင့်ဆောင်လှည့်လည် ပူဇော်ခံပါတယ်။ အဲလို လှည့်လည်အပူဇော်ခံတဲ့နေရာမှာ အင်းလေးကန်ကို နာရီလက်တံအတိုင်း တစ်ရွာဝင်တစ်ရွာထွက် ၁၈ ရက်တိုင်တိုင်လှည့်လည်ကာ ညဘက်ရောက်ရင်တော့ ရွာတစ်ရွာချင်းစီရဲ့ဘုန်းကြီးကျောင်းမှာ တစ်ညတာအနားယူပါတယ်။

 

 

 

ဒီပွဲတော်ရဲ့အဓိကhighlightကတော့စေတီတော်တွေ ညောင်ရွှေမြို့ကိုရောက်တဲ့ အချိန်ပဲ ဖြစ်ပါတယ်။အဲအချိန်မှာ အနီးအနားရွာမျာမှ ဘုရားဖူးများက လှေများဖြင့်လာရောက်ဖူးမြှော်လေ့ရှိပြီး ဘယ်နေရာကြည့်ကြည့်လှေများဖြင့်ပြည့်နှက်နေတတ်ပါတယ်။ လှေတစ်စီးငှားပြီး ဘုရားလိုက်ဖူးရင်း ခြေဖြင့်လှေလှော်သူများကို လိုက်လံကြည့်ရှုရတာဟာ ဒီဘုရားပွဲကို အကောင်းဆုံးပါဝင်ဆင်နွှဲခြင်းပဲ ဖြစ်ပါတယ်။ 

 

ဖောင်တော်ဦးဘုရားပွဲဟာ အခြားဘယ်ပွဲတော်နဲ့မှ မတူတဲ့ တမူထူခြားတဲ့ပွဲတော်ပဲ ဖြစ်တဲ့အတွက် မဖြစ်မနေသွားရောက်ဆင်နွှဲသင့်ပါတယ်။ ဒါကြောင့်တွေဝေမနေပဲသွားဖိုစီစဉ်လိုက်ပါ။ သွားမယ်ဆိုရင်တော့ လျှော့ဈေးတွေရအောင် အင်းလေးဟိုတယ်တွေကို Jovagoနဲ့ပဲ ဘွတ်ကင်တင်လိုက်နော်!!!

 

Photo Credit: https://www.insideasiatours.com/insideburma/experience-burma/i-fe004-8/phaung-daw-oo-pagoda-festival/,https://www.insideasiatours.com/insideburma/experience-burma/i-fe004-8/phaung-daw-oo-pagoda-festival/,http://travel.paintedstork.com/blog/2016/03/phaung-daw-oo-pagoda-festival-inle-lake-myanmar.html,https://www.pinterest.com/pin/98868154291898492/

Leave a Reply

Your email address will not be published. Required fields are marked *